DigiD ከምኡ'ውን MijnOverheid

DigiD እንታይ እዩ?

ብDigiD ኣብ ኢንተርነት ሓደ ነገር ክተዳልዉ ከለኹም መን ምዃንኩም ተርእዩ። ንኣብነት ምስ መንግስቲ፣ ምስ ቤት ትምህርቲ ወይ ኣብ ክንክን ጥዕና።

ብኮድ ናይ ጽሑፍ መልእኽቲ (sms)፣ ወይ ብDigiD app ትኣትዉ። DigiD app ብውሑስ መገዲ ንምእታው እቲ ዝቐለለ መገዲ እዩ።

DigiD ንምንታይ የድልየኩም?

• Mijn Inburgering ናይ DUO። ኣብኡ ኣየኖት ፈተናታት ክትወስዱ ከም ዘለኩም ትርእዩ፣ ንፈተና ትምዝገቡ፣ ልቓሕ ትሓቱ፣ ደብዳቤታት DUO ድማ ተንብቡ። DigiD ምስ ምርግጋጽ ብጽሑፍ መልእኽቲ (sms-controle) ወይ DigiD app የድልየኩም።
• Mijn DUO፣ ንstaatsexamen Nt2 ክትምዝገቡ ከለኹም።
• MijnOverheid፣ ንፖስታ ካብ መንግስቲን ንውልቃዊ ሓበሬታኹምን።

ናብ Mijn Inburgering ክትኣትዉ ኣይትኽእሉን ዶ? ንብዙሕ ነገራት ቅጥዒ ናይ DUO ክትጥቀሙን ብፖስታ ክትሰዱዎን ትኽእሉ ኢኹም።

DigiD ምሕታት

DigiD ኣብ digid.nl ትሓቱ። እዚኣቶም የድልዩኹም:

• ቁጽሪ ኣገልግሎት ዜጋኹም (BSN)
• ኣብ ምምሕዳር ከተማኹም (gemeente) ዝተመዝገብኩምሉ ኣድራሻ
• (ሞባይል) ተሌፎን

ኣብ ውሽጢ 5 መዓልታት ስራሕ ምስ ኮድ ምንቃሕ ደብዳቤ ትረኽቡ። እቲ ደብዳቤ ናብቲ ዝተመዝገብኩምሉ ኣድራሻ ይመጽእ። DigiD ናትኩም ኣብ ውሽጢ 21 መዓልቲ ኣንቅሑዎ። እንተ ዘይኮይኑ DigiD እንደገና ክትሓቱ ኣለኩም።

ቀዋሚ ኣድራሻ የብልኩምን ዶ? ሽዑ ምናልባት ገና DigiD ክትሓቱ ትኽእሉ ኢኹም፣ ንኣብነት ብኣድራሻ ደብዳቤ (briefadres)። ንምምሕዳር ከተማኹም ሕተቱ።

DigiD ናትኩም ናይ ገዛእ ርእስኹም ጥራይ እዩ

DigiD ናትኩም ፈጺምኩም ንኻልእ ሰብ ኣይትሃቡ፣ ንዝሕግዘኩም ሰብ እውን ኣይትሃቡ።

ሓደ ሰብ ኣብ ጉዳያትኩም ምስ DUO ክሕግዘኩም ትደልዩ ዶ? ሽዑ ነቲ ሰብ ብቅጥዒ ናይ DUO ፍቓድ ትህቡዎ (machtigen)። እቲ ሰብ እንታይ ከዳሉ ከም ዝፍቀዶ ባዕልኹም ትመርጹ፣ ንኣብነት ፈተናታትኩም ወይ ልቓሕኩም።

ንኻልእ ጉዳያት ምስ መንግስቲ፣ ብDigiD Machtigen ንሓደ ሰብ ፍቓድ ትህቡ።

MijnOverheid ን Berichtenbox ን

ኣብ MijnOverheid ኣብ መንግስቲ ዘሎ ውልቃዊ ሓበሬታኹም ትርእዩ። Berichtenbox (ሳጹን መልእኽቲ) እውን ኣሎ: ንፖስታ ካብ መንግስቲ ዲጂታላዊ ሳጹን ደብዳቤ። ብDigiD ትኣትዉ። 14 ዓመት ወይ ልዕሊኡ ክትኮኑን BSN ክህልወኩምን ኣለዎ።

ኣየኖት ትካላት ኣብ Berichtenbox ፖስታ ክሰዱልኩም ከም ዝፍቀዶም ባዕልኹም ትመርጹ። ምልክታታት ኢመይል ኣብርሁ፣ ሽዑ ሓድሽ ፖስታ ምስ ዝህሉ ኢመይል ትረኽቡ። ብተደጋጋሚ ባዕልኹም እውን ኣብ Berichtenbox ናትኩም ርኣዩ። ብእኡ መልእኽቲ ክትሰዱ ኣይትኽእሉን።

IND (ኣገልግሎት ስደት) ኣብ Berichtenbox ፖስታ ክሰደልኩም ይኽእል። ነዚ ኣብ Instellingen (ምድላዋት)፣ Organisaties Berichtenbox ተብርሁዎ። ደብዳቤታት DUO ብዛዕባ ምውህሃድኩም ኣብ Mijn Inburgering ተንብቡ።

ወግዓውያን ናይ ልምምድ ፈተናታት

ኣብ digid.nl DigiD ብኸመይ ከም እትሓቱን ከም እተንቅሑን ተንብቡ። ኣብ inburgeren.nl ኣብ Mijn Inburgering እንታይ ከተዳልዉ ከም እትኽእሉ ተንብቡ።

• DigiD ምሕታት ኣብ digid.nl (ኣብ ሓድሽ ታብ ይኽፈት)