ፈተና እንደገና ምውሳድ

ውጽኢት

KNM ወይ ፈተና ቋንቋ ኣብ A2 ወሲድኩም ዶ? ሽዑ ውጽኢቱ ኣብ ውሽጢ 8 ሰሙን ብደብዳቤ ትረኽቡ። ውጽኢቱ ኣብ Mijn Inburgering እውን ትርእዩ።

staatsexamen Nt2 (B1 ወይ B2) ወሲድኩም ዶ? ሽዑ ድሕሪ ኣስታት 5 ሰሙን ውጽኢቱ ኣብ Mijn DUO ትርእዩ። ውጽኢቱ ብኢመይልን ብፖስታን እውን ትረኽቡ።

ፈተና እንደገና ምውሳድ

ፈተና ዝወሰድኩምሉ ነፍሲ ወከፍ ግዜ ምፍታን (poging) ይበሃል። ንሓድሽ ምፍታን እንደገና ንፈተና ትምዝገቡ። ንKNM ን ፈተናታት ቋንቋ ኣብ A2 ን እዚ ኣብ Mijn Inburgering ትገብሩዎ።

ሓደ ክፋል staatsexamen Nt2 ኣይሓለፍኩምን ዶ? ሽዑ ነቲ ክፋል እንደገና ክትወስዱዎ ትኽእሉ ኢኹም። ከም ናይ መጀመርታ ግዜ፣ ኣብ Mijn DUO ትምዝገቡ። እዚ ክትገብሩ ትኽእሉ ውጽኢቱ ምስ ረኸብኩም ጥራይ እዩ።

ሓድሽ ምፍታን ክንደይ የኽፍል?

ብመሰረት Wet inburgering 2021 ዕቝባ ዝረኸብኩም (asielstatushouder) ዶ ኢኹም? ሽዑ ምምሕዳር ከተማ (gemeente) ን2 ምፍታናት ናይ ነፍሲ ወከፍ ፈተና ይኸፍል። ተወሳኺ ምፍታናት የድልዩኹም ዶ? ሽዑ ባዕልኹም ትኸፍሉዎም። ነዚ ካብ DUO ክትልቅሑ ኣይትኽእሉን።

ብመሰረት እዚ ሕጊ ዕቝባ ዝረኸብኩም ኢኹም ዶ፣ ብመጀመርታ ግዜ ድማ ትሓልፉ? ሽዑ ነቲ ፈተና ሓደ ግዜ ተወሳኺ ኣብ ዝለዓለ ደረጃ ክትወስዱዎ ይፍቀደልኩም።

ዕቝባ ዝረኸብኩም ኣይኮንኩምን ዶ? ሽዑ ንነፍሲ ወከፍ ምፍታን ባዕልኹም ወይ ብልቓሕ DUO ትኸፍሉ። እቲ ዋጋታት ኣብ inburgeren.nl ኣሎ።

ንstaatsexamen Nt2 ናጻ ፈተና ከም ዘለኩም፣ ወይ ብልቓሕኩም ክትከፍሉ ከም እትኽእሉ ኣብ Mijn DUO ትርእዩ።

ደረጃ B1 ኣይከኣለኩምን ዶ?

B1-route (መስመር B1) ትኽተሉ ዶ፣ ፈተናታት ቋንቋ ኣብ ደረጃ B1 ክትሓልፉ ድማ ኣይትኽእሉን? ከምኡውን እንተወሓደ 600 ሰዓታት ትምህርቲ ቋንቋ ተኸታቲልኩም ዶ? ሽዑ ምስ ምምሕዳር ከተማኹም ተዘራረቡ። ምናልባት ናብ ደረጃ A2 ክትከዱ ትኽእሉ ኢኹም። እዚ afschalen (ደረጃ ምትሕሓት) ይበሃል።

ደረጃ ምትሕሓት ኣብ B1-route ጥራይ እዩ ዝከኣል።

ንግዜኹም ኣስተብህሉ

ንምውህሃድ ዝተወሰነ ግዜ ኣለኩም: inburgeringstermijn (ግዜ ምውህሃድ)። ስለዚ ቀልጢፍኩም እንደገና ተመዝገቡ። ፈተና ክትወስዱ ክሳብ እትኽእሉ ልዕሊ 6 ሰሙን ክወስድ ይኽእል።

DUO ክንደይ ግዜ ፈተና ከም ዝወሰድኩም እውን ይርኢ። ንኣብነት ንመጠን መቕጻዕቲ ገንዘብ (boete)፣ ከምኡውን ንገለ ዓይነታት ተወሳኺ ግዜ ወይ ontheffing።

ወግዓውያን ናይ ልምምድ ፈተናታት

ኣብ inburgeren.nl ውጽኢት ብኸመይ ከም እትረኽቡ ተንብቡ። ኣብ duo.nl ሓደ ክፋል staatsexamen Nt2 ብኸመይ እንደገና ከም እትወስዱ ተንብቡ።

• ውጽኢት ፈተና ኣብ inburgeren.nl (ኣብ ሓድሽ ታብ ይኽፈት)